Pranatacara
Wisudha Purna Siswa
Assalamualaikum Wr. Wb
Bapak Ibu wali murid para
siswa-siswi ingkang satuhu kinurmatan, Kepala
Sekolah SMP 1 Bantul, Bapak ................................., Bapak Ibu guru SMP 1 Bantul, saha para siswa-siswi kelas
IX SMP 1 Bantul ingkang dhahat kinurmatan. Keparenga ing ngriki kula sumela
atur awit saking kersanipun wakil ketua panitya kula kapatah minangka
pranatacara supados mratitisaken lampahing acara Wisudha Purna Siswa SMP 1
Bantul taun ajaran 2012/2013.
Saderengipun kula aturaken
menggah rantamaing tata acara keparenga sumangga kula dherekaken ngunjukkaken
puji syukur wonten ngarsanipun Gusti Allah ingkang Maha kuwaos awit saking
keparingipun kula panjenengan saged kempal ngrawuhi acara Wisudha Purna Siswa
SMP 1 Bantul ing enjang menika. Wondene rantamaning acara ingkang sampun
kaserat inggih punika...
1.
Pambuka
2.
Pangayubagya
·
Ketua
panitia
·
Kepala
sekolah
3.
Pamit
wakil wisudhawan
4.
Sumene/hiburan
5.
Doa
6.
Panutup
Makaten kalawau menggah
urut reroncening acara ingkang sampun karantam dening panitya.
Para rawuh ingkang satuhu
kinurmatan, kangge ngengeti wekdal, enggal kemawon acara kapurwakani kanthi
pambuka miturut agami kapitadosan piyambak-piyambak, ingkang ngrasuk agami
Islam kanthi maos lafal Bassmallah, ingkang agami sanesipun kula
sumanggakaken.......... Matur nuwun mugi kanthi donga kasebat saged ndayani
lancar saha rancaging acara ing enjang punika.
Acara ingkang kalih inggih
punika atur pangandikan saking ketua panitya ingkang kasalirani dening
sodara/i......., dhumateng sodara/i....... wekdal saha papan sumangga katur....
Makaten kalawau
pangandikan saking ketua panitya, kawula aturaken gunging panuwun ingkang tanpa
pepindhan. Ing salajengipun saking Kepala Sekolah SMP 1 Bantul kepareng badhe
paring pangandikan, dhumateng Bapak...... wekdal saha papan sumangga katur....
Para rawuh ingkang satuhu
kinurmatan, pangandikan saking ngarsanipun Bapak Kepala Sekolah sampun paripurna
pramila kula aturaken gunging panuwun ingkang tanpa pepindhan.
Acara ingkang
saklajengipun acara angka 3 inggih menika pamit wakil wisudhawan. Dhumateng
sodara/i wakil siswa kelas IX....... kepareng badhe paring pangandikan....
Ing wekdal menika, acara
sampun dumugi wonten acara angka 4 inggih menika sumene. Dhumateng para rawuh
sumangga anggenipun ngladosaken dhaharan saha unjukan, lan dhumateng para rawuh
kaaturan dhahar saha ngunjuk kanthi sinambi mirsani pasugatan pentas seni saking
siswa-siswi kelas VII lan VIII SMP 1 Bantul. Sumangga.....
Para rawuh ingkang
kinurmatan, Bapak kaum Bapak ............. kepareng badhe mangarsani acara donga,
wekdal saha papan sumangga katur.......
Kula aturaken gunging
panuwun ingkang tanpa pepindhan dhumateng Bapak Sarjoko ingkang sampun kepareng
mangarsani donga.
Bapak Ibu wali murid para
siswa-siswi ingkang satuhu kinurmatan, Kepala Sekolah SMP 1 Bantul, Bapak ................................, M.Pd, Bapak
Ibu guru SMP 1 Bantul, saha para siswa-siswi kelas IX SMP 1 Bantul ingkang
dhahat kinurmatan. Purwa madya dumugi wasana acara sampun lumampah lanthi
rancag kalis ing rubeda, tanpa rinaos sampun dumugi puputing acara inggih
menika acara panutup. Ananging saderengipun mbok bilih anggen kula nglantraken
acara pinanggih kalepatan tuwin kekirangan pramila kula tansah nyuwun agunging
pangaksami. Wasana sumangga acara Wisudha Purna Siswa SMP 1 Bantul ing enjang
menika katutup kanthi muji syukur miturut agami kapitadosan piyambak-piyambak,
ingkang ngrasuk agami Islam kanthi maos lafal hamdallah, ingkang agami
sanesipun kula sumanggakaken. Cekap semanten lan mekaten atur kula.
Wassalamualaikum Wr. Wb
Demikian contoh teks Pranatacara atau teks pembawa acara basa Jawa dari saya. Semoga bermanfaat terimakasih :)
Demikian contoh teks Pranatacara atau teks pembawa acara basa Jawa dari saya. Semoga bermanfaat terimakasih :)
